​غالي بس المكان غلط.. عن خسارات المشاعر

بوسط حياة كل واحد منا محطات واجد توقفه وتخليه يراجع شريط ذكرياته، ومع كل نغمة شجن تتردد بصدق: ​(ياما عشت)..

✨️ اغنية لما سمعتها خلتني اختار عنوان اللقاء هذا كلماتها تقول :

يا ما عشت و ياما شفت و ياما من همي شكيت مدري العالم خطأ ولا انا وحدي الصحيح

اكتشفت ان المشاعر زيف بس منها صحيت

للاسف صدق المشاعر بهالزمن صاير شحيح 🎶

هل فعلا الكلمات صادقة وتعبر عن حالنا !؟☀️

​ومن هالحالة ومثل هذه الكلمات اللي تلامس الروح، نحكيها عشان نعرف حجم الدروس اللي طلعت لنا من قسوة الأيام والمواقف الصعبة. ولأن المشاعر الصادقة صارت اليوم عزيزة في هالعالم السريع، ودنا نجتمع في جلسة رايقة وآمنة نسولف فيها براحتنا وبكل عمق عن العلاقات الإنسانية. ​محاور وأسئلة نتعمق فيها سوا:

١- ​شلون أثرت هالمواقف القاسية على شخصيتنا وكيف رتبت أولوياتنا من جديد؟

٢-وكيف الواحد يتعامل مع شعور الخيبة لو اكتشف إنه عطى مشاعره للناس الغلط أو في المكان غير المناسب؟

٣- ​والأهم من هذا كله: شلون نحمي قلوبنا وحدودنا النفسية من الصدمات المتكررة، وحنا محافظين على إحساسنا وطيبتنا؟ ​هالجلسة لقاء استثنائي ومساحة كاملة للفضفضة والبوح، وفرصة عشان نقرأ خيباتنا بطريقة ثانية تخلينا أقوى وأكثر نضج من جوا.

​نورونا بحضوركم ❤️ عدد المقاعد 👥️ 10

الموقع كوفي في حي التعاون